Pælingar

4.7.2007 | 00:13

Stoltur faðir

Tískusýningin Stóra stelpan mín, hún Særós Mist hefur enn einusinni gert föður sinn gapandi af undrun.

Ég verð að viðurkenna að ég tók því með hæfilegum fyrirvara þegar hún tilkynnti mér fyrri uþb hálfu ári síðan að í stað þess að sækja um hjá Vinnuskólanum, ætlaði hún að vinna sér inn aura fyrir veturinn með því að hanna og sauma nokkrar fatalínur fyrir konur og selja síðan afraksturinn. Fyrri hluta ársins ætlaði hún að nýta til að hanna, sauma og undirbúa en sumarið til að kynna afraksturinn, halda tískusýningu og selja síðan fötin í samstarfi við einhverja góða verslun.

Að sjálfsögðu kvatti ég hana til dáða, enda sagðist hún þegar búin að kaupa sér saumavél og fyrstu sniðin væru að taka á sig mynd. Þegar hún er í slíkum ham stöðvar hana enda fátt, nema hún sjálf ákveði að sveigja af leið.

Nú, nokkrum mánuðum síðar hanga á herðatrjám 21 alklæðnaður fyrir konur, tískuljósmyndir með fyrirsætum af öllum fötunum, samningur við verslun um söluna, plaköt og kynningarefni fyrir tískusýninguna og allur undirbúningur er á lokastigi. Markmiðið er nánast í höfn !

Um leið og ég óska Særós minni hjartanlega til hamingju með afrekið, hvet ég alla áhugasama um að skoða sýnishornin á síðu hennar og ekki síður mæta á tískusýninguna og kaupa sér föt !

Háleitir draumar geta svo sannarlega orðið að veruleika - þó maður sé bara 15 !

Pælum í því !

	Fimmtán ára fatahönnuður heldur sýningu
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Skildi þó ekki vera að stúlkan sé vel úr garði gerð frá sínum föðurhúsum. Það skilar oft ótrúlega miklium árangri að reynast börnum sínum vel og hvetja þau Trú þér vel til þess að ver þannig faðir.

Ásdís Sigurðardóttir, 4.7.2007 kl. 00:43

þú getur sannarlega verið stoltur. þetta er flott framtak og fötin eru mjög falleg.

Salvör Kristjana Gissurardóttir, 4.7.2007 kl. 00:50

Til hamingju með stúlkuna þína Hrannar, hjartanlega.

kv.gmaria.

Guðrún María Óskarsdóttir., 4.7.2007 kl. 01:46

Ótrúlega flott hjá stelpunni þinni Megi henni ganga sem allra best í þessum efnum

Sólrún, 4.7.2007 kl. 01:59

Fór inn á mæspeisið hennar og skoðaði myndirnar. Mér finnst alveg magnað að svona ung stelpa skuli hafa allan þennan drifkraft í jafnvandasamt verk eins og þetta. Ótrúlega flott hönnun! Þarf að sýna minni 15 ára þetta. Hún endar örugglega sem kúnni Til hamingju með þessa flottu stelpu þína

Anna Ólafsdóttir (anno) (IP-tala skráð) 4.7.2007 kl. 02:42

Til hamingju með dótturina og bestu óskir um velgengni, bæði tvö.

Þorsteinn Gunnarsson, 4.7.2007 kl. 02:45

Vá segi ég nú bara. Þú mátt sko sannarlega vera stoltur af stelpunni þinni. Mikið er gaman að lesa svona frétt af ungu fólki sem veit hvað það vill og vinnur að því.

Hafdís Sigurðardóttir (IP-tala skráð) 4.7.2007 kl. 08:23

Ég legg ekki í vana minn að kvitta hjá fólki sem ég ekki þekki, þó ég sé ekki saklaus af vafri um heimasíður þess. Hins vegar finnst mér ég knúin til að óska ykkur feðginum til lukku með framtakið. Þú mátt með sanni vera stoltur af stúlkunni, þetta er svakalega flott hönnun. Frábært framtak!
Með kveðju, Addý Guðjóns.

Addý Guðjóns (IP-tala skráð) 4.7.2007 kl. 10:29

Til hamingju með stelpuna, Hrannar! Já og með nýja starfið. Ég veit þú stendur þig og hvetur Jóhönnu til dáða - og nú stendur upp á ykkur að standa vaktina í jafnréttismálum. Þau verða sett í forgang er það ekki!?

Ingibjörg Stefánsdóttir, 4.7.2007 kl. 11:30

TIl hamingju með dóttur þína Hrannar, sjálfur er ég lærður í listum og finnst hönnun hennar afbragð, hún hefur ólíkt öðrum hönnuðum mótað sér sinn persónulega stíl, það er talenta sem ég vona að hún rækti.

Hún sker sig úr frá öðrum og er með fágaða sýn yfir efnum og litum. En og aftur til hamingju með dóttur þína! Ef hún heldur áfram á þessari braut, þá er ég viss um að hún eigi eftir að ná MJÖG langt !

Guðsteinn Haukur Barkarson, 4.7.2007 kl. 12:35