Stórsókn Samfylkingar !

Frábært að sjá hverja könnunina á fætur annarri, staðfesta að Samfylkingin er komin á flug og fylgið vex dag frá degi. Öflugur málflutningur flokksins frá landsfundi er að ná eyrum kjósenda og áhersla flokksins á velferðarmálin hittir beint í mark. Þar og í efnahagsstjórninni skynjar þjóðin veikleika stjórnarflokkanna og treystir Samfylkingunni greininlega best til að breyta um kúrs án kollsteypna.

Það er hinsvegar athyglsivert að sjá hvernig fjölmiðlar matreiða niðurstöður þeirra kannan sem nú birtast. Það er ekki borið saman við niðurstöður síðustu kannanna, heldur miðað við kosningafylgi síðast. Öðru vísi mér áður brá, þegar Samfylkingin var á niðurleið. Þá var hvert tækifæri nýtt til að varða breytingarnar á milli kannanna - ekki síst í Fréttablaðinu og Morgunblaðinu.

En þjóðin lætur ekki plata sig. Hún man að fyrir uþb mánuði síðan var Samfylkingin með tæplega 19% fylgi. Á nokkrum vikum hefur það vaxið um tæp 50% og enn eru 9 dagar til stefnu.

Ég leyfi mér að spá áframhaldandi vexti og að Samfylkingin endi réttu megin við 30%. Þá fyrst komast velferðarmálin og traust efnahagsstjórn á dagskrá ríkisstjórnarinnar - ríkisstjórnar Ingibjargar Sólrúnar Gísladóttur.

Pælum í því !

Framsóknarflokkur tapar fylgi í Suðvesturkjördæmi

Athugasemdir

[Guðmundur Pálsson (IP-tala skráð) 3.5.2007 kl. 21:51]

Já það er mikil stórsókn að hanga í kjörfylginu þegar samfylkingin hefur verið lengi í stjórnarandstöðu og lætur nú VG stinga sig af. Mikið hrós fyrir formanninn ekki satt?

[Björgvin Guðmundsson, 3.5.2007 kl. 23:42]

Tek undir þetta með þér. Samfylkingin er greinilega í mikilli sókn.

Með kveðju

Björgvin